Այսօր 5-6 տարեկաններն այցելել էին ուսումնական Ագարակ` կերակրելու և խնամելու կենդանիներին։
Месяц: Декабрь 2023
Ուսումնական երրորդ շրջանի աշխատաժամանակ
Հունվար ամսվա նախագծեր
Հունվար ամսվա ընթացքում իրականացվելիք նախագծեր
Մասնակիցները՝ Արևմտյան դպրոցի 5-6 տարեկաններ
Անցկացման վայրը՝ Արևմտյան դպրոցում, ընտանիքում, այգիներում
Պատասխանատուներ՝ Մայրանուշ Համբարձումյան, Սիլվա Խաչատրյան
«Դդմածես» նախագիծ
Ժամանակացույց՝ Հունվար, հունվարի 26 ` Ղափամայի ծես
Նախագծի նպատակը
- Դդմի մասին նոր տեղեկությունների ձեռք բերում
- Ղափամայի ծեսի նախապատրաստում, մասնակցություն
Գործունեության տեսակներ
- Paint-ով «դդմային կերպարներ»նկարել, պատմել նկարի մասին
- Դդմային պատմության հորինում և ձայնագրում «Մի նախադասություն դու, մեկ նախադասություն ես» մեթոդով:
«Մի նախադասություն դու, մեկ նախադասություն ես»մեթոդի նկարագրություն
Խաղավարը կախարդական գնդակը փոխանցում է սովորողներին, իսկ նրանք, յուրաքանչյուրը մեկ նախադասություն ասելով, փոխանցում են իրար : Պատմությունն ավարտվում է, երբ վերջին սովորողն ասում է իր նախադասությունը:
Խոհանոցային գործունեություն
Դդմային կերակրատեսակների`աղցան, թխվածքաբլիթ, ղափամայի պատրաստում
Տեխնոլոգիական գործունեություն
- Դդմատիկնիկի պատրաստում
- Դդմանկար –դդումները գուաշով ներկում ենք, կերպավորում
- Թղթե կոլաժների ստեղծում
-Ստացված կերպարներով փորձում ենք փոքրիկ ներկայացում խաղալ
Մարմնաշարժողական գործունեություն
Խաղ-«դդմագլոր»
Սովորողները դդումները գլորում են, հետո փորձում հաշվել, թե քանի ոտնաչափ է իրենց գլորած դդումի ճանապարհը:
Խաղ-մարզադահլիճում
Սովորողները բաժանվում են երկու խմբի: Խմբից մեկը գլորում է դդումը, իսկ մյուսը պետք է այդ նույն ճանապարհով ինքը գլորվի, վերցնի դդումն ու դդմի հետ գլորվելով հետ վերադառնա: Հաղթում է այն խումբը, որի անդամներն ավելի արագ են ավարտում գլորը:
Փափուկ ներքնակներին շրջանաձև նստում են, դդումն իրար գլորում, ում գլորում են, նա դդում բառով նոր բառ է ասում, կազմում (դդմատոն, դդմա…)
Երաժշտություն
- Ղափամայի ծիսական երգերի
- Ազգային պարերի ուսուցում
Ընտանեկան նախագծեր
- մայրիկի, տատիկի հետ դդմային կերակրատեսակների պատրաստում
Նախագծի արդյունքում կունենանք.
- Դդմային կերակրատեսակներ
- Դդմային կերպարներով ֆոտոշարքեր
- Գործունեության մասին պատմող ֆիլմեր
Հաշվերգ՝
Ըստում, ընդում,
Դեղին դդում,
Գցեմ, բռնեմ,
Գտնեմ ուտեմ,
Պապոնց տանը
Տիտիկ անեմ:
Մարմնամարզական ստուգատես 2023
Տևողությունը՝ 08.01.2023-26.01.2023
Ժամը՝ 11:00-12:30
Մասնակիցները՝ Արևմտյան դպրոցի 5-6 տարեկաններ
Անցկացման վայրը՝ Արևմտյան դպրոցի 5-6 տարեկանների խմբասենյակ, Մայր դպրոցի մարմնամարզության դահլիճ, ընտանիքում
Համագործակցություն Միքայել Ղազարյանի, լողի մարզիչների, ծնողական համայնքի հետ
Նպատակը՝ մարմնարզական վարժությունների՝ անհատական և խմբային կարողությունների ու հմտությունների ներկայացում
Մարմնամարզական ստուգատեսի համար տրվող վարժություններ
- Կատարել շարային վարժություններ,«Հավսար», «Զգաստ», «Ազատ» միասյուն շարքից, շարափոխվել
- Քայլով մարշ տեղում և ընթացքից
- Օղակի պտտում 30 վայրկյան
- Ցատկեր ցատկապարանով 2 ոտքով. 1 ոտքով
- Մարմնամարզական ներքնակի վրա գլուխկոնծին առաջ և հետ, կանգ թիակների վրա, պառկած դրությունից ոտքերի բարձրացում, թեքում աջ և ձախ առանց ծալելու
- Մարմնամարզական պատի վրա բարձրանալ, տեղափոխվել մյուս պատին իջնել ներքև 3-5 անգամ
- Տղաները` սեղմում հատակին, աղջիկները` մարզանստարանին, 3-8 անգամ
- Պայմանական գծի վրայով քայլել, աչքերը փակ
Աղբյուրը՝ Ռոզա Գսպոյանի բլոգ
Հիմնական ուղղությունները .
- այցելություն մարմնամարզության սրահ (մայր դպրոց) — Քոլեջի և Արևելյան դպրոցի 5-6 տարեկանները մայր դպրոցի մարմնամարզության սրահում կիրականացնեն միասնական նախագիծ՝ ներկայացնելով տարբեր խաղեր
- ամենօրյա առավոտյան նախավարժանք
- էստաֆետային խաղեր
- գլուխկոնծիներ
- հեծանվավարություն
- ինքնագլորների շքերթ
- լողի ստուգատես
- մարզական ընտանիք
Բնագիտության և տեխնիկական ստեղծագործության ստուգատես 2024
Մասնակիցներ՝ Արևմտյան դպրոցի 5-6 տարեկաններ
Ժամանակահատված՝ 08.01.2023-26.01.2023
Համագործակցություն՝ Շուշան Ալեքսանյանի և հայրենագետ, բնագետ ջոկատի հետ
Նպատակը՝ Ուսումնական գործընթացում բնագիտության, մաթեմատիկայի և տեղեկատվական տեխնոլոգիաների ուսուցման, սովորողների տեխնիկական ստեղծագործության կազմակերպման հեղինակային փորձի ներկայացում, ամփոփում, խրախուսում, տարածում:
Խնդիրները
- Դիտարկումներ, բնագիտական փորձերի իրականացում, արդյունքների գրանցում
- Հետաքրքիր փորձեր pinterest կայքից
- Ուսուցողական խաղերի ստեղծում, փորձարկում 5-6 տարեկանների հետ
- Ռոբոտների, լեգոների հավաքածուների ներկայացում (ընտանեկան դպրոցներում)
Աշխատանքային ուղղություններ՝
- Ուսուցողական խաղերի ստեղծում
- Բնագիտական փորձերի իրականացում
- Ռոբոտների, լեգոների հավաքածուների ներկայացում
- Իմ լեգո խաղալիքը — ստուգատեսի շրջանակում սովորողները կներկայացնեն լեգոներով տարբեր կերպարներ պատրաստելու իրենց հմտությունները: Տանը մեծերից որևէ մեկը կնկարահանի ողջ ընթացքը, կտեղադրի իր YouTube-յան էջում և հղումը կուղարկի դասվարի էլեկտրոնային հասցեին, որոնք էլ կհրապարակվեն դասարանական բլոգում:
- Դասարանը՝ ջերմոց-լաբորատորիա — դդմի սերմերի տնկում, խոշորացույցով դիտարկումներ, արդյունքերի գրանցում
Օգտակար ռեսուրսներ՝
Արդյունք՝ դասարանական բլոգում
Հանրակրթական դիջիթեք 2024
Տևողությունը՝ 08.01.2023-31.01.2023
Մասնակիցները՝ Արևմտյան դպրոցի 5-6 տարեկաններ, ընտանիքի անդամներ
Անցկացման վայրը՝ Արևմտյանդպրոցի 5-6 տարեկանների խմբասենյակ, ընտանիք
Համագործակցություն՝ 3-րդ դասարանի սովորողների հետ
Նպատակը՝ ՏՀՏ որևէ նոր ուսումնական գործիքի յուրացում և ներկայացում, տեսողական ինֆորմացիայի շնորհիվ պատկերացում կազմել շրջապատող աշխարհի մասին։
Նախագծի նկարագրություն՝
- Microsoft Word տեքստային խմբագրիչից օգտվելու տարրական հմտությունների փոխանցում
- Paint նկարչական ծրագրով դիջիգործիքների պատկերում, գունավորում
- Հեռախոսով կամ պլանշետով կփորձեն լուսանկարել, կստեղծեն հետաքրքիր լուսանկարներ
- Դիջիթեք 2024-ի հայտագրո
Ազգագրության փառատոն 2024
Տևողությունը՝ 08.01.2024-26.01.2023
Մասնակիցները՝ Արևմտյան դպրոցի 5-6 տարեկաններ, ընտանիքի անդամներ
Անցկացման վայրը՝ Արևմտյան դպրոցի 5-6 տարեկանների խմբասենյակ, Վերնատուն, ընտանիքում
Համագործակցություն՝ Սեդա Թևանյանի, Լաերտ Գրիգորյանի և ծնողական համայնքի հետ
Նպատակը՝
- Ազգային մշակույթի յուրացում, տարածում։
- Բանավոր և գրավոր խոսքի զարգացում:
- Սստեղծագործական երևակայության զարգացում։
- Ինքնուրույնության, ինքնարտահայտման հմտություննների և կարողությունների ձևավորում:
- Տեխնոլոգիական հմտությունների զարգացում։
- Մարզական կարողությունների զարգացում։
- Մեդիահմտությունների զարգացում:
- Տրամաբանական մտածողության զարգացում։
- Ավանդական խոհանոցի ուսումնասիրություն։
- Շրջակա միջավայրի ճանաչողություն։
- Ուսումնական նյութերի ստեղծում։
Հիմնական ուղղությունները՝
- ընկուզախաղեր
- ազգային, բակային խաղեր
- ծիսական խաղերգեր, պարերգեր
- ազգային ծիսական խոհանոց (դդմային կերակրատեսակներ) ներկայանում են ընտանեկան դպրոցները
- տեխնոլոգիական աշխատանքներ ՝խրձիկ տիկնիկներ, տիկնիկներ ընդեղենից
Նկարագրությունը՝ ընկուզախաղեր — խաղերը՝ Մարինե Մկրտչյանի բլոգից
- Խաղացողները մի մետր տրամագծով շրջան են գծում և մեջտեղը ուղիղ
գծով ընկույզներ շարում: Երեք-չորս մետր հեռավորությունից գցում են
վեգերը (վեգի փոխարեն կարելի է օգտագործել մեծ ընկույզ): Եթե թեկուզ
մեկն են շրջանից դուրս հանում, շահում են շարված բոլոր ընկույզները: - Սեղանին կամ գետնին իրար զուգահեռ երկու շարքով շարվում են
ընկույզներ: Խաղացողը, մի շարքի ընկույզները միջնամատի և բութ մատի
միջոցով կտտացնելով, պետք է նշանառությամբ շարքից դուրս հանի
մյուս շարքի ընկույզները: - Ընկույզը մատների շրջանաձև շարժումով պտտել: Կարելի է
կազմակերպել մրցույթ՝ ում ընկույզն է երկար պտտվում: Եթե սաները
դժվարանում են այն կատարել մատներով, կարող են ընկույզը պտտել՝
երկու ձեռքերի ափերի մեջ առնելով այն ու ափերն իրար հակառակ
ուղղությամբ շարժելով: - Թելից կախված ընկույզը մոտեցնել խաղացողներից մեկի բերանի մոտ
այնպիսի հեռավորությամբ, որ նա կարողանա փչելով հեռացնել իր
դեմքից: Փչել ինչպես կարճ, այնպես էլ՝ երկար շնչով:
Ազգային ծիսական խաղեր — խաղերը՝ Մարինե Մկրտչյանի բլոգից
- Խնոցի-հարոցի Խաղում են զույգերով: Նստած կամ կանգնած դիրքով զույգերը դեմքով իրար են նայում: Մի խաղացողի երկու ձեռքերի մատները հագցրած են դիմացինի մատներին` ափը ափին կպած:
-Խնոցի-հարոցի, կարագը` ձեզ, թանը` մեզ:
կամ`
-Հարի-հարի խնոցի,
Մեջդ բարի, խնոցի,
Ունկդ բարակ, խնոցի,
Մեջդ կարագ, խնոցի:
Տեքստը ռիթմիկ արտասանելով, առաջին երեխան թեքվում է առաջ` ձեռքերը պարզելով առաջ, իսկ երկրորդ երեխան թեքվում է ետ` ձեռքերը մոտեցնելով կրծքին: Ապա երկրորդ երեխան թեքվում է առաջ` ձեռքերը պարզելով առաջ, իսկ առաջին երեխան ետ` ձեռքերը մոտեցնելով կրծքին: - Աղջիկ փախցնոցի
Մասնակիցները զույգերով իրար ետևից կանգնում են` զույգերի ձեռքերն վերև պահած` ափերն իրար մեջ: Նրանցից մեկը, ով զույգ չունի, գալիս է առաջ ու, նրանց արանքով անցնելով, բռնում է որևէ մեկի ձեռքից, երկուսով գնում են, կանգնում վերջում, իսկ այն մասնակիցը, ում զույգին տանում են, գալիս է առաջ ու կատարում նույն գործողությունը:
Ձիավարության և հիպոթերապիայի սեմինար-պարապունքների ամփոփում
Ձիավարության սեմինարներն անցկացվում էին շատ հետաքրքիր և բովանդակալից։ Սեմինարների ընթացքում ծանոթացել ենք ձիերի խնամքի առանձնահատկություններին, ձիավարել և ստացել ենք անհրաժեշտ գիտելիքներ ձիերի և նրանց խնամքի մասին։ Արդյունքում կարողանում ենք սանձել,թամբել և ձիավարել։
Հիպոթերապիայի սեմինար-պարապունքները նույնպես շատ արդյունավետ և օգտակար էին։ Ծանոթացել ենք հիպոթերապիայի բուն ընթացքի, ինչպես նաև առանձնահատուկ երեխաների հետ անցկացվող թերապիաների օգտակար ազդեցության մասին։
Արդյունքներն՝
Ձիավարության, հիպոթերապիայի սեմինար-պարապունք
Հեռավար ընտանեկան աշխատանքային նախագիծ
Մասնակիցներ՝ Արևմտյան դպրոց-պարտեզի 5 տարեկանների ընտանեկան դպրոցներ
Ժամանակահատված՝ դեկտեմբերի 30-ից հունվարի 8
Կազմակերպումը՝ հեռավար-առցանց, ընտանեկան դպրոցներում
Նպատակն ու խնդիրները՝
- բանավոր խոսքի զարգացում
- ստեղծագործական երևակայության զարգացում
- մեդիատեխնոլոգիաների զարգացում ու համակարգչային Paint ծրագրի կիրառում
Աշխատանքային ուղղությունները՝
- Ֆոտոպատում
- Ամանորյա տոնական բացիկներ Paint նկարչական ծրագրով
- Ամանորյա տոնածառների շքերթ
- Ձմեռը քաղաքում, բակում, գյուղում
- Եղանակային դիտարկումներ
2. Տեսանյութ
- Տոնածառի պատրաստում, զարդարում
- Ընտանեկան ավանդական սիրելի ուտեստի պատրաստում ու ներկայացում
- Ինչպե՞ս եք նշել Ամանորն ընտանիքում, տեսաշնորհավորանք-բարեմաղթանքների շքերթ
- Իմ ամանորյա նվերները
- Ամանորի մասին պատմում են տատիկ-պապիկները, հայրիկ-մայրիկները՝ խոսելով իրենց բնակավայրի Ամանորի, Ձմեռ պապի նվերների մասին
- Ձմեռային բակային խաղեր
Ընթացքը՝ ընտրել թեմաներից որևէ մեկը կամ մի քանիսը, ներկայացնել տեսանյութի, ռադիոնյութի կամ ֆոտոպատումի տեսքով: